LAOAG CITY – Immutang ti administrasion Marcos manipud iti local ken foreign sources iti umuna a sangapulo a bulan tapno masupusupan ti budget deficit ti gobierno.
Makita iti datos manipud iti Bureau of the Treasury a ti gross financing ti National government ket ngimmato ti 23% manipud idi Enero agingga iti Oktubre 2024 ti P2.429 trillion, manipud iti P1.975 trillion iti kapada a panawen iti napalabas a tawen.
Ti panagngato ti borrowing ket gapu iti panag-secure ti gobierno ti P129.26 bilyon a gatad ti loans manipud iti domestic ken foreign creditors idi Oktubre.
Nupay kasta, ti nasao a gatad ket nababbaba ti P225.2 billion nga inutang iti kapada a bulan idi 2023.
Basar iti Treasury report, ti panagbaba ti October borrowing ket gapu iti panagkissay ti gobierno ti offshore financing daytoy manipud iti P174.63 billion idi 2023 iti P67.46 billion.
