LAOAG CITY – Mannarimaanen ti panangbukel ni Donald Trump dagiti posible nga agbalin a miembro ti transition team na tapno agserbi iti administrasionna inton agsubli iti White House inton Enero 2025.
Maipalagip nga immunan nga inyanunsio ni Trump ti agbalin a campaign co-manager-na a ni Susan Summerall Wiles kas chief of staff-na iti White House.
Basar iti impormasion, adu kadagiti nagserbi iti sidong ni Trump idi umuna a terminona ti saanen a maisubli, iti laksid a sumagmamano a kadagiti loyalista ti maipappalapayag nga agsubli.
Ngem segun iti US president-elect adu dagiti agkalkalikagom nga agbalin a miembro iti gabinetena, agbalin nga staff iti White House ken agserbi kadagiti kangrunaan nga akem iti intero a gobierno ti Estados Unidos.
Kabayatanna naam-ammo ni Wiles ni Trump bayat ti 2015 Republican presidential primary ken nagbalin a co-chair ti Florida campaign ni Trump idi 2016.
