LAOAG CITY – Dakkel ti tiyansa na a makapasar ti hypertension ken obesity dagiti ubbing wenno agtutubo a nalabes unay ti panagusar na ti gadget iti aldaw.
Daytoy ti inbatad ti Department of Science and Technology (DOST).
Inlawlawag ni Department of Science and Technology science research specialist Patricia Isabel Amita nga ado dagiti dakes nga epekto ti nalabes nga screen time, karaman ditoy ti nakurang a panagturog, nabayag a panagtugaw no sadinno a no paggigiddanen amin dagitoy ket ngumatngato ti gundaway nga agbalin nga overweight, obese ken maaddaan ti hypertension.
Innayon na a ti paggaammo ti kaadoan ket ti hypertension ket sakit laeng dagiti nataengan, ngem ipakpakita ti panagadal a mabalin pay a mapasaran dagiti agtutubo nga agtawen ti 10 agingga iti 17.
