LAOAG CITY – Inpasigurado ti Deparment of Public Works and Highways 1st District Engineering Office nga urnosenda iti naikabil nga aspalt over lay iti rangtay ti bypass road ditoy siudad ti Laoag.
Segun ken ni Sangguniang Panlungsod Member John Roger Fariñas, basar iti pannakisarsaritana ken ni Engr. Marishel Batuac, City Engineer ditoy siudad ket ditoy a naammoanna a ti problema ket saanda nga inikkan ti extension iti expansion joint-na rason nga adda ti panagrikkina.
Mainaig iti daytoy, inlawlawag ni Vice Mayor Carlos Fariñas a nagkurang ti pundo ti nasao a proyekto rason no apay a saanda a naikkan ti extension joint-na.
Nupay kasta, inpasingked met ni Konsehal Fariñas a tutukanna daytoy a banag tapno saanen nga agrikki pay no dumalyasat dagiti lugan iti bypass road.
Maipalagip a namunganay daytoy a banag kalpasan a naobserbaran ni Konsehal Fariñas iti saan nga usto a pannakaaramid ti aspalto iti bypass road ken pannagamak dagiti motorista a dumalyasat iti nasao a kalsada gapu iti panag-bumpy effect-na wenno panaglagto ti lugan.
