LAOAG CITY – Kinumpirmaran ni District Engineer Mathias Malenab iti DPWH 2nd Engineering District nga umabot iti agarup P2.6 billion ti nailatang a pondo para iti tawen 2022.
Segun kenkuana, ti nasao a pondo ket pakaibilingan ti flood control projects, road widening, multipurpose building ken dadduma pay.
Inbatad na nga iti agdama ket manarimaan ti bidding ken awarding iti nagduduma a proyekto kadagiti maseknan a contractor.
Kabayatanna, inpakaammo ni Malenab nga adda pay laeng dagiti naladaw a napondoan idi 2021 ken narugyan ita a bulan ti Pebrero idinto a dagiti sumarsaruno ket marugyan sakbay iti election ban.
