LAOAG CITY – Inbutaktak dagiti dua a driver ti Department of Public Works and Highways (DPWH) a suagmamano a maleta a naglaon ti minilyon a kwarta ti naideliver kas kickback manipud iti flood control projects.
Rakurak da dytoy kabayatan ti Senate blue ribbon committee mainaig iti imbestigasyon itia nomalya a flood control projects.
Inadmitir da dagiti drivers nga isuda Andre Balatbat ken Christian Santiago a nangideliver da kadagiti maleta nga addaan ti kwarta kas mandar dagiti superiors da.
Segun kenni Balatbat, iti naminsan laeng a gundaway ket innem agingga iti walo a maleta ti indeliver na iti maysa a residensya iti Valle Verde ngem saan na a makupirmaran no siasinno ti akin-kukua iti balay.
Inbatad pay ni Balatbat nga awan ti resibo wenno acknowledgment a naited kabayatan ti delivery.
Inlawlawag met ni Christian Santiago a karaman isuna kadagiti pito a sabali pay a panagdeliver iti maysa a paggasolinaan iti Dahlia Street iti Fairview ken dagiti maleta ket naiyakar iti sabali pay a behikulo.
Kuna ni Santiago nga iti kada byahe ket walo agingga iti 10 a maleta ti naideliver ken nagduduma a lugar ti pakaipanan na manipud Nobyembre iti napalabas a tawen ken dagiti dadduma ket iti Enero ken arso ita a tawen.
Mapapati a ti transaksyon mainaig kadagiti maleta a maiyakar iti behikulo pakairamanan ti addaan ti plate number a NFI 6319.
Kabayatanna, inadmitir met ni dati a Bulacan district engineer Henry Alcantara nga iti kada maleta ket naglaon ti P30 million agingga iti P40 million, ken adda met ti gundaway a P50 million.
Innayon ni Alcantara a ti pondo ket maibilang nga “advances” manipud iti contractors.
