LAOAG CITY – Inlawlawag ni Engr. Romeo Bartolome, Department Head iti Construction Department ti Department of Public Works and Highways First Engineering District ti rason ti pannakadadael iti dike iti Brgy. Gabu Norte ditoy siudad ti Laoag kabayatan ti Regular Session ti Sangguniang Panlungsod.
Segun kenkuana, ti nakitada a rason ti pannakadadael ti dike iti nadakamat a lugar ket adda dagiti kanal a kumamang iti Padsan River no sadinno agayus ti danom iti likod ti dike.
Nupay kasta, saan na a patien ti rason ti pannakadadael ti dike ket gapu iti mannarimaan a dredging activity iti Padsan River.
Kabaytanna, no matarimaan ti nadakamat dike ket mangaramidda ti sabali a kanal nga agturong iti bangir a paset ti karayan tapnu maliklikan ti panag-clogged ti danom.
