LAOAG CITY – Nagapdispensar ni Dist. Engr. Mathias Malenab ti 2nd Dist. ti DPWH iti nakapasamakan ti maysa a motorista a natamaan ti lugan na kadagiti nagtayab a babassit a bato bayat ti panag-grass cutter dagiti agdaldalos ti igid ti national highway ti nasao a distrito.
Segun ken ni Malenab, naipagunamgauanama kadagiti napusgan nga agdalos no ania ti rumbeng nga aramiden da babaen iti panaglikod da iti kalsada tapno maliklikan kas iti nasao a disgrasya.
Nupay kasta, masdaaw ni Malenab gapu ta iti las-od ti 29 a kaadda na iti nasao a serbisyo, ita laeng nga adda reklamo panggep ti nasao a banag.
Inbaga a no mapaneknekan a kadwa da ti nakita da a nagdalos ket nakasagana da a mangsungbat iti magastos iti panakatarimaan iti nakuppit a paset ti lugan.
Maipalagip a maysa a text ti naawat ti bombo radyo a no sadinno a nalittikan ti lugan bayat a dumaldalyasat iti paset tri Currimao, Paoay ken Batac.
