LAOAG CITY – Inpalgak ni Dr. Shirley Agrupis a saan pay a nakasagana a pumanaw iti Mariano Marcos State University.
Daytoy ti nagbalin a sungbat na kalpasan a karaman iti listaan ti nagan na a sumaruno a commissioner iti Commission on Higher Education.
Kunana a pakaidayawan na gapu ta maysa kadagiti napili a sumaruno nga agbalin a commissioner iti Commission on Higher Education ngem inkalintegan na a saan na pay a mabalin a panawan iti agdama a trabaho na kas presidente iti Mariano Marcos State University.
Inlawlawag na nga adda iti respondibilidad iti nasao nga unibersidad agingga intono 2025.
Innayon na a kalpasan ti 2025, nakasaganan nga agawat iti baro nga oportunidad a ti Diyos laeng iti makaammo.
