LAOAG CITY – Inlawlawag ni Dr. Alan Taylan dagiti rumbeng nga aramiden tapno maliklikan a makaptan iti hand, foot and mouth disease kangrunaan na kadagiti ubbing.
Karaman ditoy ti panagbunggo ken panagsabon ti ima, panagdigos a nasayaat ken ti proper hygiene, kasta met a liklikan dagiti lugar a pagdudupudupan dagiti tattao.
Segun kenni Taylan, saan a rumbeng a mabaybay-an dagitoy ken agpakonsultar iti doktor nangruna ket nakapkapsot ti resitensya dagiti ubbing.
Inpettengna a masapol a bantayan dagiti ubbing tapno saan a madehydrate dagitoy.
Kunana a no ti maysa a tao ket nakapstan iti daytoy, makarikna ti gurigor ken nasakit ti karabukob na, ken kalpasan ti dua agingga iti tallo nga aldaw ket makitan dagiti agtubo iti dila, ngiwat, pingping, ima ken dadduma pay.
