LAOAG CITY – Naaprobaran iti maikadua ken maudi a panakaibasa ti Draft Resolution No. 2024-02-259, maysa a resolusyon a mang-aprobar iti pannakaadaptar iti Provincial Nutrition Action Plan 2024-2026.
Daytoy ket indasar ni Sang. Panlalawigan Member Medeldorf M. Gaoat iti head ti Committee on Health .
Inbatad ni Gaoat a daytoy ket mangpata-ud iti nagduduma nga aktibidad ken programa a makatulong iti benneg ti salun-at nangruna kadagiti ubbing.
Inpakaamona a ditoy probinsya ket adda 4.2% nga ubbing nga agtawen iti lima ket makapaspsar iti malnutrisyon, daytoy ket basar iti datos manipod iti National Nutrition.
Segun kenkuana, daytoy ti maysa a wagas tapno masigurado a maikkan iti napintas a kasasa-ad dagiti nangruna iti salun-at da.
Innayonna a makatulong daytoy kadagiti ubbing nga agad-adal gapo ta naduktalanda a saan a makafocus dagiti ubbing no awan iti nanaay a sustansia iti bagi.
Nu pay kasta babaen iti nasao nga ordinasa ket manamnama a matulungan ken bumassit ti bilang dagiti ubbing a malnourished ken maipaayanda iti kasapolan a bitamina.
