LAOAG CITY – Limmabasen ti deadline iti panakaileppas iti dredging activity kadagiti dadduma a karayan ditoy probinsiya kas iti Padsan River.
Daytoy ti inbatad ni Gov. Matthew Marcos Manotoc.
Kunana a ti nangitunda ti panakaibayag ti aktibidad ket gapu iti panakadelay dagiti equipments manipud Hesha Company rason no apay a nabayag nga agtrabaho dagiti kontruktor.
Innayon ti Gobernador a saan da pay a magun-od ti target volume a makutkot iti kada bulan.
Iti agdama ket mannarimaanen ti panakaipakat dagiti catch up plan da tapno malpasen ti proyekto.
Naammuan a maysa kadagiti alternatibo nga ar-aramiden da ket panakaipaay ti special permit kadagiti dadduma pay a pribado a kontruktor tapno makitinnulong iti nasao a dredging activity.
Nakibinnulig da pay kadagiti Local Government Units tapno maamuan dagiti high risk areas iti layos tapno isu ti maipangpangruna a mailippas aglalo ket nangrugin ti panagtutudo.
