LAOAG CITY – Balligi a naarestar ti maysa a Backhoe Operator ti City Engineering Office babaen ti naiwayat nga Anti-Illegal Drug Buy-bust Operation iti Barangay 56-B Bacsil ditoy siudad ti Laoag.
Nabigbig ti suspek a ni Washington Nicolas, agtawen ti 59 ken residente ti Barangay 54-A Lagui-Sail ditoy siudad ti Laoag.
Natiliw ti suspek kalpasan a maipagarup a naglako daytoy ti maysa a box ti sigarilio a naglaon ti maysa nga heat sealed transparent plastic sachet a maatap a shabu iti police poseur-buyer.
Malaksid iti daytoy, naala pay dagiti otoridad manipud iti suspek ti maysa a box ti sigarilio a naglaon ti uppat nga heat sealed transparent plastic sachet a mapapati a shabu.
Mainaig iti daytoy, naiget a naglikudan ti suspek dagiti naala a kontrabando kontra kenkuana.
Naammoan a manarimaan ti panag-backhoe ti suspek idi a kellaat a maipagarup nga adda dagiti lallaki a nangarestar kenkuana.
Kabayatanna, bayat a maisursurat daytoy a damag ket manarimaan ti panangimbentario dagiti otoridad kadagiti naala nga ebidensia manipud iti suspek.
