LAOAG CITY – Napalaos ti kigtot ti maysa a driver gapo iti pannakagasgas ti inparking na a kotse iti maysa nga eskinita idiay Madhya Pradesh, India.
Ti nangaramid iti daytoy ket saan a tao no diket aso a rumrumuar a nagibales gapo ta nasapgud ti driver.
Iti impormasyon, kampate nga inparking ti driver ti kotse na ngem idi nakariing iti kabigatan na ket adon ti gasgas ti lugan na kangrunaan iti sango a paset daytoy.
Iti met panangreview na iti CCTV, naduktalan na a dua nga aso ti akin aramis iti daytoy.
Ad-adda manen a nakigtot ti lalaki idi nakita na iti footage a maysa kadagiti aso a nangaramid iti daytoy ket nasapgud na idi agawid daytoy.
Naamoan nga adda met iti nasayaat a kondisyon ti aso ken nakataray pay laeng nga immadayo.
Rumrumuar a mabalin a sinurot met laeng ti aso ti kotse ken arig na nangitugot pay ti kadwa na nga agibales.
Umabot Iti $173 wenno nasurok a P10,000 ti balor ti pannakatarimaan ti kotse.
