LAOAG CITY – Natay ti maysa a driver kalpasan a nagbekkel iti Brgy. Saoit iti ili ti Burgos.
Daytoy ti kinumpirmaran ni Police Capt. Sheryl Guzman, hepe ti PNP Burgos.
Nabigbig ti biktima a ni Rogelio Garcia Tacata Jr., agtawen ti 35, baro ken residente iti nasao a lugar.
Iti inisyal nga imbestigasyon, nagturong ti agtawen ti 64 nga ina ti biktima tapno bisitaen na ti anak na ngem nakita na daytoy a nakabitin iti uneg ti pagtaengan na.
Naamuan a nagusar ti biktima iti barot a pinangibitin na ti bagbagi na.
Agtultuloy ti imbestigasyon dagiti otoridad kalpasan ti insidente.
