LAOAG CITY – Posible a masuspenso no mapaneknekan a ti driver ti bus a naireklamo ket maipagarop a nag-overload kadagiti pasaheros bayat ti byahe na a mapan iti ili ti Badoc rason a saan a social distancing.
Daytoy ti inbatad ni Ms. Grace Ramos, maysa kadagiti dispatcher it Laoag-Badoc Bus Terminal.
Segun kenni Ramos, nupay daytoy ti ummuna a gundaway a naireklamo ti nadakamat a bus ket maipadanon daytoy iti liderato ti TODA tapno madeterminar no naglabsing daytoy wenno saan.
Inlawlawag na nga awan met ti naaw-awat na pay a report mainaig iti daytoy.
Immapela met daytoy kadagiti pasahero a no makita da nga awanen ti mabalin a pagtugawan da ket bumaba da lattan gapo ta ado met laeng pay laeng lugan ken maprotehiran dagitoy.
Kabayatanna, inpetteng ni Ramos nga iti terminal ditoy ciudad ti Laoag ken iti ili ti Badoc ket makonkontrol da ti bilang dagiti pasahero ngem saan nan a maminitor bayat nga adda dagitoy iti byahe.
