LAOAG CITY – Ballaigi ti insayangkat a search warant operation ti PNP-Piddig iti pagtaengan ti agnagan ti Jeffre Reyes, addaan ti umno a tawen, addaan ti asawa, driver ti Fariñas Bus ken residente ti Bgy. Mangitayag ti nasao nga ili.
Naala dagiti pulis ti 2 a babassit a plastic sachet a naglaon iti maatap a shabu.
Naipalon iti search warrant a maibilang dagiti biruken dagiti pulis iti pagtaengan ni suspek ket paltog a maysa a 9mm ken kalibre 38 ngem nag-negatibo.
Nagkedked ti suspek a mangted ti reaksiyon na seknan iti nasao nga operasyon.
Nasdaaaw met ti ina na a ni Norma Reyes gapu ta ti ammo na ket nagsardengen ti anak na iti nasao nga aramid gapu ta nagrepreport met kadagiti otoridad.
Kabayatan na, saan a patien ni Bgy. Kagawad Raullo Benito iti Bgy. Mangitayag iti ili a Piddig a nagsubli iti madi nga aramid ni Jeffre Reyes.
Kuna na a ti ammo na ket nagbalbaliwen gapu ta nagrepreport met iti programa nga intuyang ti PNP ken ni lokal a gobyerno.
Masdaaaw ta adda naala iti naiwayat nga operasyon iti pagtaengan ni Reyes iti asideg ti ridaw ti kusina na.
Inayon pay ni Bgy. Kagawad Benito nga awan sabalin a monitor da no adda pay kabarangayan da nga adda pannakinaig na iti operasyon ti maipawil a druga.
Pinasingkedan met ni P/S/Insp. Jeffrey Taccad, Hepe ti Pulisya ti ili a Piddig a nabayag a sinipsiputan da ni Jeffre Reyes kasanguanan nga inwayat da ti operasyon.
Kuna na a nga in-verify da ti impormasyon a naawat da no agpayso a nagsubli iti madi a bisyo na inggana a nangala da ti search warrant.
Inlawlawag ni Taccad nga iraprapin ni Reyes ti gumatang no adda biahe na idiay Manila ken saan la nga agusar ti aramid na ngem ket di aglako payen.
