LAOAG CITY – Naipilan ti reckless imprudence resulting in homicide kontra ti driver ti pampasahero a jeep a nakadinnungpar ti maysa a motorsiklo iti national highway a paset ti Barangay Peralta, Dingras, Ilocos Norte.
Daytoy ti kinumpirmaran ni Police Supt. Rely Arnedo, ti chief of police iti ili ti Dingras.
Immunan nga inlawlawag ni Arnedo a basar ti inisyal nga imbestigasyon da, agpapadaya a direksyon ti jeep nga inturong ni Mr. Rodolfo Layugan a taga Marcos, Ilocos Norte idinto nga agpapalaud met ti motorsiklo nga inmaneho ni Joselito Alonzo, contractor iti ili ti Marcos ngem residente idiay ili ti Vintar.
Rumrumuar nga immagaw ti linya ti motorsiklo a nangitunda ti panagdinnungpar da ti pampasahero a jeep.
Naitaray ti biktima iti Dingras District Hospital ngem naideklara a dead on arrival gapu ti nakana a sugat ti ulo na.
Inpakaammo ni Arnedo nga addan ti panagsasarita ti suspek ken ti pamilya ti biktima.
Nupay kasta, kuna ti hepe nga intuloy latta ti pamilya ti biktima ti nangipila ti kaso kontra ken ni Layugan
