LAOAG CITY – Naglikudan ni Lito Asuncion, driver ni Mayor Alfredo “Boying” Valdez Jr. iti ili ti San Nicolas ti alegasyon kontra kenkuana ken ti anak na seknan iti pannakanaig da iti maipawil a druga.
Kuna na a pammerpderdi laeng ti nasao nga alegasyon gapu ta awan met pay ti napeknekan nga aramid da ket uray ti sigud nga hepe ti PNP San Nicolas ket paneknekan na nga awan ti kinaagpaysuanan na ti nasao nga alegasyon.
Uray ti agdama nga hepe ti pulisya ti ili a San Nicolas P/Sr./Insp. Joseph dela Cruz ket paneknekan na nga awan iti drug watchlist ni Asuncion.
Nasdaaw met dagiti empleyado iti nasao nga ili gapu ta ammo da a ni Asuncion ket adda sakit na ken agpapaagas.
Nagkedked met ni Mayor Alfredo Valdez Jr. a mangted ti kumento na seknan iti nasao nga isyu.
