LAOAG CITY – Ibilang ni Mr. Jayson Ligsay, maysa kadagiti kaunaan a driver ti Modern Public Utility Jeepney partikular iti ruta a Laoag-Batac-Paoay a napintas para kadakuada ti panagoperar ti baro a PUJ.
Segun kenni Ligsay, ad-adda a komportable dagiti aglugan a pasaheros iti modern PUJ gapo ta air-conditioned daytoyen, addaan ti tallo a CCTV para iti naan-anay a seguridad dagiti pasaheros ken adda ti libre nga internet connection.
Inbatad na nga iti modern jeepney ket saan payen a kasapulan dagiti pasaheros ti agdumog no sumrek da gapo ta kas iti bus ket makastrek da a nakatakder.
Inlawlawag na nga eksakto laeng met ti 500 a sweldo da iti inaldaw, ken ti amin a mapasadaan da ket iyaponte da iti kooperatiba
Nupay kasta, inadmitir na a marigatan da pay laeng a manggutigot kadagiti pasaheros nga aglugan kadakuada nangruna ket damo da pay laeng ti agpasada usar ti napabaro a klase ti jeepney.
Mainaig iti daytoy, kuna ni Ligsay nga inaldaw latta ti panagpasada da a kas met laeng iti dati nga us-usaren da a jeep.
Kabayatanna, segun kenni Mr. Felix Antonio, maysa kadagiti Traditional PUJ Driver ti ruta Laoag-Batac-Paoay a saan a mailinged kadakuada a posible nga in-inot ton nga umakar dagiti pasaheros da gapu iti baro a kita ti Modern PUJ.
Maipalagip nga adda ti dwa a Modern PUJ ti napalubusan nga agpasada ditoy probinsia.
