LAOAG CITY – Nagtalinaed iti Mariano Marcos Memorial Hospital and Medical Center iti siudad ti Batac ti biktima ti desgrasya a napasamak iti paset ti Brgy. Baduang iti ili ti Pagudpud.
Daytoy ket kalpasan a nagsagaba ti sugat iti ulo basar ken ni PMaj. Jeomar Andres, hepe ti Philippine National Police iti nasao nga ili.
Nabigbig ti biktima a ni James Alvin Lagazo, agtawen ti 36, residente iti Brgy. Abaca ken isu ti nagmaneho iti Montero a nagmaris iti nangisit.
Iti imbestigasyon dagiti otoridad, nakadinnungpar ni Lagaso ti maysa a white Mitsubishi Estrada pick up ken inturong ni Yves Punay ken residente iti Imus, Cavite ken adda ti dua a pasahero na.
Naamoan nga agpaamianan ni Lagazo ken ginandat na nga ag overtake iti kurong-kurong ngem nakasinnabat na ti pick-up nga agturong iti abagatan rason ti panagdinnungar dagitoy. Nagderderetso iti kataltalunan ti pick up ken ngem saan a naan-ano dagiti naglugan iti daytoy.
