LAOAG CITY – Nagsagaba ti sugat iti ulo ken nagduduma a paset ti bagi ti maysa a lalaki a nakalugan ti motorsiklo kalpasan a naidungpar iti mayasa a pick up iti Brgy. Apatut-Lubong iti ili ti Pinili ditoy probinsia.
Nabigbig ti biktima a ni Jefferson Pacleb Ibe, agtawen ti 27, awanan asawa, residente iti Brgy. Cabarambanan iti ili ti Sinait probinsia ti Ilocos Sur ken addaan ti Non Professional driver’s license.
Nabigbig ti suspek a ni Robelito Aguigam Ayson, agtawen ti 58, naasawaan, residente iti Brgy 27 Naguirangan iti siuadad ti Batac ditoy probinsia ken addaan ti Professional Driver’s license.
Segun kenni Police Captain Kester Arellano, iti Philipinne National Police-Pinili, a ti suspek a naglugan iti Gray Nissan Pick up truck nga addaan iti plate no.NFK 3865 nga agturong iti amianan bayat a mannarimaan ti panag u-turn na daytoy ket kellaat a naidunpar ti nalabaga a Honda RS 150 motorcyce nga addaan iti bearing plate no. AD 19748.
Gapu iti daytoy, nagsagrap ti biktima iti sugat iti ulona ken nagduduma a paset ti bagina idinto a naitaray iti Mariano Marcos Memorial Hospital and Medical Center iti siuadad ti Batac para iti dagus a pannakatamingna daytoy bayat a saan a nadangran ti driver ti Nissan Pick up.
Kabayatanna, nagtalinaed ti suspek iti kustodyar ti Philippine National Police iti ili ti Pinili ken dagiti lugan a nairaman ket addaan iti umno a disposision ken safekeeping.
