LAOAG CITY – Nagtalinaed iti Gov. Roque Ablan St. Memorial Hospital ti driver ti motorsiklo kalpasan a nakadinnungpar na ti maysa nga SUV idiay Brgy. 5, San Silvestre, San Nicolas.
Nabigbig daytoy a ni Sherwin Dalo, agtawen ti 31, ken residente ti Brgy. 23 iti nasao nga ili idinto a ti driver ti SUV ket ni Norberto Mendoza, agtawen ti 53, naasawaan, vice president ti NFC idiay Sarrat ken residente iti Brgy. 52-A San Mateo ditoy ciudad ti Laoag ken ti kadua na a ni Christian Sagatraca, agtawen ti 24, ken residnet ti Brgy 34, Bacarra.
Naamoan nga agpalaud a direksyon ni Mendoza idi ta nasabat na ti motorsiklo ken rumrumwar nga immagaw ti linya ni Dalo isut gapo na a napasamak ti desgrasya.
Gapo ti kapigsa ti impact ti desgrasya ket naipurwak ti driver ti motorsiklo ken timmama ti windshield ti SUV.
Nagsagaba ti biktima ti sugat kangrunaan na ti ulo na isut gapo na a nagtalinaed daytoy iti ospital.
