LAOAG CITY – Naragsak a nangkumpirmar ni Barangay Chairman Reynaldo Garcia iti Barangay Palongpong iti ciudad ti Batac a nagnegatibo iti covid-19 ti driver ti nagluganan ti IN-C8 a taga Barangay 8, San Vicente ditoy ciudad ti Laoag.
Daytoy ket kalpasan a naawat na ti report manipud iti City Health Office (CHO) seknan iti swab test ti driver a naiyuswat itay napalabas a lawas.
Segun kenni Garcia, gapo iti daytoy ket naikkaten ti naipatungpal a lockdown kadagiti innem a pagtaengan iti barangay da.
Maipalagip a kalpasan a nagpositibo ti IN-C8 ket namandar ti Barangay Palongpong a mai-lockdown dagiti nadakamat a pagtaengan a residensya ti driver kalpasan nga adda ti exposure na iti covid-19 positive.
