LAOAG CITY – Saanen a nagpila ni Bryan Gallardo, driver ti taxi kalpasan nga intarayan dagiti dua a Chinese national a nangarkila kenkuana.
Apaman nga ipila dagiti kameng ti PNP ti reklamo kontra kada Jun Yuan, 22 ken ni Zhiying Lioa, 21 ti kaso nga Estafa ket nag-affidavit ni Gallardo a saanen a mangipila ti kaso.
Gapu iti daytoy, pinalusposan ti PNP dagiti nasao a Chinese nationals ngem inhold ti Bureau of Immigration and Deportation para iti pannakadeportar da idiay China.
Iti agdama, agtalinaed iti kustodyar ti PNP-Laoag babaen ti order ti BID dagiti dua a Chinese national.
Maipalagip a naarestar dagitoy gapu ta intarayan da ti nagluganan da a taxi manipod Manila nga agturong idiay Cagayan.
