LAOAG CITY – Pimmusay bayat a maag-agasan iti ospital ti driver ti tricycle kalpasan a nadegrasya iti Brgy. Billoca iti siudad ti Batac.
Daytoy ket kalpasan a nasapgud ti maysa a pick-up ti tricycle nga iturturong ti bitkima.
Segun kenni Police Major Artemio Clemente, officer-in-charge ti PNP Batac, naitupar ti ulo ti tricycle driver nga agtawen ti 50 idi nadesgrasya ken nagsagaba ti sumagmamano pay a sugat.
Kuna na a sumagmamano nga oras iti napalabas kalpasan ti desgrasya ket pimmusay ti biktima.
Maipila ti reklamo a Reckless Imprudence resulting to Homicide and Damage to Property kontra iti driver ti pick-up nga agtawen ti 72 a residente iti Brgy. Baay iti nasao a siudad.
Saan pay a nagsasarita dagiti maseknan ken ti pamilya ti biktima.
Kabayatanna, nakarwaren ti pasahero ti tricycle iti Mariano Marcos Memorial Hospital and Medical Center kalpasan a nataming.
Maipalagip a bayat nga agpapaamianan a direksiyon ti tricycle ken ti pick-up iti nasao a barangay ket nagleft turn ti biktima ngem dita a nasapgud ti pick-up bayat nga agovertake met daytoy.
