LAOAG CITY – Nagtalinaed ni Nathaniel Ventura, agtawen ti 39, driver ti tricycle ken residente iti Brgy. Balacad ditoy siudad ti Laoag iti Mariano Marcos Memorial Hospital and Medical Center iti siudad ti Batac gapu ti sinagaba na nga injury iti duri na.
Daytoy ket kalpasan a naaksidente iti national highway paset ti Brgy. Balacad ditoy siudad.
Immuna iti daytoy, bayat nga agpapaabagatan a direksiyon ni Ventura uggor na ti tricycle ket maipagarup nga immagaw daytoy iti linya rason a nadungpar na ti agpapaamianan a direksiyon a motorsiklo nga inturong ni Mark John Labi-i, agtawen ti 20, residente iti Brgy. Nagbacalan iti ili ti Paoay.
Naamuan ti PNP Traffic Division ditoy siudad a napaspas ti tricycle rason a nakupkuppit ti sidecar na idinto a nadadael met ti sango a paset ti motorsiklo.
