LAOAG CITY – Natiliw ti maysa a truck driver babaen ti bench warrant nga inparuk-at ni Hon. Judge Jaime Bugain iti 4th Municipal Circuit Trial Court idiay Narvacan, Ilocos Sur.
Nabigbig daytoy a ni Roger Angala, 34, taga Brgy. 24 iti ili a San Nicolas.
Basar iti imbestigasyon, nakasinnapgud ti manmanehoen a truck ni Angal ti maysa a bus ket dita a naperdi ti side mirror dagiti dua a lugan.
Segun kenni Angala, ti nagbalin a settlement dagiti dua iti Narvacan Police Station ket bayadan da ti naperdi a side mirror ti tunggal maysa.
Naamoan nga agbalor ti 7 ribo a pisos iti naperdi a side mirror ti bus idinto a 12 ribo a pisos iti truck.
Nairekomendar ti pyansa a 2 ribo a pisos para iti reckless imprudence resulting to damage of property.
