BOMBO LAOAG – Nagballigi dagiti otoridad a nangtiliw ti maysa a lalaki iti naiyuswat a drug buy-bust operation idiay Barangay Dariwdiw, Batac City.
Nabigbig daytoy a ni Jayson Bote y Mariano, agtawen iti 40, driver ti dumptruck, addaan ti live-in partner ken residente met laeng ti nasao a barangay.
Segun ti report, naglako ni Bote iti maysa a sachet a naglaon ti maipagarop a shabu nga agbalor iti 500 a pisos, ken iti panagkapkap kenkuana dagiti otoridad ket nakaala da pay iti 2 a sachet a naglaon met laeng ti shabu, P1,150 a personal na a kwarta, cellphone, calib. 38 a paltog nga addaan ti bala ken maysa a bote ti arak.
Mainaig ti daytoy, inbatad ni Police Chief Inspector Rodelio Santos, ti chief of police iti ciudad ti Batac a nabayag dan nga imonmonitor ni Bato seknan iti illegal nga aktibidad na.
Kinumpirmaran ni Santos a ni Bato ket Street Level Target (SLT) iti PNP-Batac ken maikonsiderar a drug pusher.
Nupay kasta, saan pay a makumpirmaran ni Santos no siasinno dagiti possible a kakadwa ni Bato ken no pagal-alaan na kadagiti ilaklako na nga illegal a droga.
