LAOAG CITY – Kinumpirmaran ni Mayor Marlon Sales iti ili a Pagudpud a naimaldit ti drowning incident iti nasao nga ili.
Kuna na a maysa a lokal a turista ti dandani a nalmes iti baybay a paset ti Brgy. Caparispisan ken Brgy. Saud iti nasao nga ili.
Nupay kasta, naisalakan dagiti otoridad ti nasao a turista.
Segun kenni Sales, dimmalan dagiti guardiya ti baybay iti naiget a training tapno makaipaay da ti seguridad kadagiti sangaili.
Inadmitir pay ni Sales nga adda ti sumagmamano a desgrasya ngem daytoy ket saan a nakaru.
Mainaig iti daytoy, naruay a turista dagiti nagturong iti nasao nga ili kangrunaan itay Holy week.
Innayon ni Sales nga agsagsaganan ti lokal a gobyerno dagiti aktibidad ken programa para iti panagpiyesta ti ili da.
