LAOAG CITY – Naragsak nga inpakaammo ni Mr. Marcel Tabije, mangidadaulo ti Provincial Resiliency Office nga inaprobarannen ti Sangguniang Panlalawigan ti lima a porsiento para iti Disaster Risk Reduction Management fund nga agdagup iti ₱121 million para inton tawen 2025.
Segun kenni Tabije, naggapu daytoy a pondo iti nagduduma nga opisina kas iti Health Office, Agriculture Office, Engineering Office, ken Sustainable Office ket naisapusopuesto para kadagiti nagduduma a programa ken proyekto ti Disaster Risk Reduction Management Office tapno mausar no adda dagiti didigra a sumangbay ditoy probinsia.
Kabayatanna, immununana a naaprobaran ti ₱2 bilion a pondo para iti Provincial Govermnet of Ilocos Norte kabayatan ti regular session ti Sangguniang Panlalawigan.
