LAOAG CITY – Saan nga ilibak dagiti dua a drug personalities a simmuko a kabuteng da ti panagsubli ti Oplan Tokhang nga operasyon ti nailian a pulisya.
Inbatad ti maysa kadakuada a nabayagen a saan nga agus-usar ti illegal a druga.
Inpakaammo na a dimmalan dan iti drug test tapno maamuan no positibo wenno negatibo da.
Kuna na a narigat no matiliw da pay laeng babaen ti Oplan Tokhang rason a bulontaryo da a nagturong iti PNP ditoy siudad ti Laoag.
Innayon na a sumagmamano a darasen a nagreport dan iti PNP ngem tapno sigurado ket inulit da manen ti nagreport.
