LAOAG CITY – Tiniliw dagiti otoridad ti maysa a drug surrenderee iti naiyuswat a drug buy-bust operation idiay Piddig, Ilocos Norte.
Nabigbig daytoy a ni Clarence dela Cruz y Arcano, maysa a drug surrenderee, agtawen iti 29, naasawaan ken residente iti Barangay Loeing ti nasao nga ili.
Naglako ni dela Cruz iti maysa a sachet a naglaon ti maipagarop a shabu ken agbalor iti 500 a pisos iti maysa a pulis a nagserbi a poseur buyer.
Nakumpiskar pay manipod iti suspek ti nagluganan na a motorsiklo ken ti kwarta na a 170 a pisos.
Iti agdama, nagtalinaed iti kustodyar ti PNP-Piddig ti suspek ken manamnama a mapilaan ti kaso kriminal ita nga aldaw.
