LAOAG CITY – Maisagsaganan ti reklamo a maipila kontra ken ni Gian Tito Taylan y Arizabal, addaan ti umno a tawen ken residente iti Barangay 15, San Jose, San Nicolas, Ilocos Norte.
Daytoy ket kalpasan ti panagpaputok na ti paltog a maysa a Cal. Super 38 Revolver nga addaan ti serial number a 801144.
Iti report, adda ti naireport a nagpaputok ti paltog iti nadakamat a lugar ken iti panagresponde dagiti otoridad ket nakita da ti suspek a nakalugan ti motorsiklo ken sakbay a pinataray na ti lugan na ket adda ti inpurwak na a paltog.
Narekobre dagiti otoridad iti lugar ti maysa nga unit ti Smith and Wesson Cal. Super 38 Revolver nga addaan ti Fired Cartridge Case ken dua a bala na.
Ginandat dagiti pulis a kamaten ti suspek ngem saandan a nasurutan ti nagturungan na.
Naamoan a ti suspek ket drug surrender iti PNP- San Nicolas.
