LAOAG CITY – Balligi ti naiyuswat nga anti-illegal drug buybust operation iti Brgy 16 San Marcos, San Nicolas a nakatiliwan ti maysa a lalaki.
Nabigbig ti subject ti operasyon a ni John Paul Leganse y Ballesteros, agtawen ti 35, addaan ti live-in partner, ken residente iti ili ti Solsona.
Ti operasyon ket nagtitinnulungan ti RPDEU1, PPDEU-INPPO, PIU-INPO, San Nicolas Police Station ken PDEA-INPO.
Segun kenni Police Lt. Emmanuel Antonio iti RDEU, naglako ni Leganse iti police poseur buyer ti maysa a heat-sealed transparent plastic sachet a maipagarop a naglaon ti iligal a droga.
Nakumpiskar 10 a ribo a pisos a buy bust money, sabali pay a sangaribo a pisos ken maysa a 5 peso coin kas personal a kwarta ti subject.
Mapatta-patta met a ti iligal a droga a nakumpiskar ket agdagsen ti 1.1 grams nga addaan ti DDB value a 7,840 a pisos ken street Value a 11,000 a pisos.
Inlawlawag na a nasuroken a makabulan a sipsiputan da ni Laganse mainaig iti iligal nga aktibidad na no sadinno ken maibilang nga High Value Individual iti Provincial Level, ken drug surrenderer idi 2016.
Kuna ni Antonio a karaman ni Leganse iti maysa a drug group ngem saan na pay laeng nga innaganan tapno saan a maapektaran ti sumasaruno nga operasyon da.
Kabaayatanna, naglikudan met ni Laganse nga aglaklako daytoy ti iligal a droga.
