Sagsaganaanen ti Department of Social Welfare and Development (DSWD) ti possible nga epekto ti Super Typhoon Champi nga agdama a mabanbantayan iti ruwar ti Philippine Area of Responsibility (PAR).
Inbatad ni Asst. Secretary Irene Dumlao ti Disaster Response Management Group (DRMG) ti DSWD nga agtultuloy ti panangisagana ti Department of Agriculture kadagiti relief stockpile ken mangiwanwan kadagiti disaster resource centers uray awan ti kalamidad.
Ti napaigetan a panagsagana ti Department of Social Welfare and Development para iti kalamidad ket maiyataday iti direktiba ni Presidente Ferdinand R. Marcos Jr. a pagtalinaeden ti umdas a national stockpile ken siguradwen ti alisto a pannakaidanun kadagiti tulong kadagiti lugar a dinuprak ti kalamidad.
Basar ti Disaster Response Operations Monitoring, Information, and Communication (DROMIC), napagtalinaed ti DSWD ti nationwide prepositioned relief inventories nga agbalor ti 4,571,390 family food packs ken 344,942 non-food items.
Mainaig iti daytoy, agtultulo ti panangbantay ti DSWD ti weather updates manipod iti Philippine Atmospheric, Geophysical and Astronomical Services Administration (PAGASA) gapu ta mabalin a maapektaran ti super typhoon ti northern Luzon, Cagayan Valley, amianan a asset ti Ilocos Region ita a lawas.
