LAOAG CITY – Dakkel a tulong kadagiti agad-adal ti education aid nga ipapaay ti DSWD.
Daytoy ti takder ni Mr. Elmer Pungtilan, ti PTA Federated President iti siudad ti Batac.
Segun ken ni Pungtilan, kas maysa a nagganak nga agpapaadal ket ado ti kasapulan dagiti estudyante.
Kuna na a kangrunaan ditoy ti panagsubli da iti in-person classes nu sadino a magatang dagiti school supplies ken dadduma a mabayadan a miscellaneous iti pagadalan.
Immuna iti daytoy, inbatad ni Pungtilan nga iti baet ti panagngina dagiti amin a magatgatang ket makakissay iti gastos dagiti nagannak ti tulong pinansyal kadagiti agad-adal.
Kabayatanna, patien ni Pungtilan a posible nga ad-adda a dakdakkel ti maitulong ti nasao nga education aid nu saan laeng a maminsan a maipaay.
