LAOAG CITY – Ginutigot ti liderato ti Department of Social Welfare and Development dagiti benepisyaryo ti Pantawid Pamilyang Pilipino Program (4Ps) nga agparehistro iti Philippine Identification System.
Segun iti ahensya, kasapulan nga agparehistro da ti demographic ken biometric information da.
Daytoy ket maiyataday iti direktiba ni Department of Social Welfare and Development Sec. Rex Gatchalian a gagem na a maipangato ti bilang dagiti miembro iti Pantawid Pamilyang Pilipino Program nga addaan ti National ID.
Makatulong pay daytoy tapno al-alisto a maipaay ti conditional cash transfers kadagiti benepisyaryo ti programa.
Inbatad ti ahensya a paset pay daytoy dagiti program requirements dagiti benepisyaryo tapno agtultuloy ti panagawat da ti tulong manipod iti gobyerno.
Maipalagip a nagtipon ti pwersa ti Department of Social Welfare and Development ken Philippine Identification System para iti panag-roll out ti Philippine Identification System registration para iti amin a miembro ti Pantawid Pamilyang Pilipino Program sadinno man a paset ti pagilian.
