LAOAG CITY – Nagtalinaed a nakafull-force ti Disaster Operations ti Department of Social Welfare and Development iti Region 1 kalpasan dagiti nagsasaruno a bagyo a dimmuprak iti rehiyon.
Daytoy ti inbatad ni Miss Anniely Ferrer, ti Assistant Regional Director for Operations ti Department of Social Welfare and Development iti Region 1.
Kuna na nga agtultuloy ti isaysayangkat da a relief augmentation para kadagiti umili nga apektado kadagiti kalamidad babaen ti pannaki-koordinar da kadagiti Local Government Units.
Inlawlawag na a para laeng kadagiti naapektaran ti iduduprak ti Typhoon Mirasol at Nando ket umaboten iti 16, 180 a food ken non-food items ti naibunong ti ahensya iti intero a rehiyon uno.
Mainaig iti daytoy, inbatad ni Ferrer nga adda ti umdas a supply dagiti maibunong a tulong ken kuna na nga inpasigurado ni Department of Social Welfare and Development Secretary Rex Gatchalian nga agtultuloy ti pannakaideliber dagiti relief supplies kadagiti warehouse ti ahensya iti rehiyon Uno.
Innayon na nga adda pay dagiti nakasagana nga ipaayda a tulong pinansyal para kadagiti pamilya a kangrunaan a naapektaran dagiti naglabas a bagyo.
Kabayatanna, inbatad ni Ferrer a maragsakan da iti ibibisita a mismo ni Presidente Ferdinand Marcos Jr. kadagiti pamilya a kangrunaan a naapektaran ti bagyo idiay probinsya ti La Union.
