LAOAG CITY – Inpasigurado ti Department of Social Welfare and Development (DSWD) a ti food items a karaman iti family food packs (FFPs) ken ready-to-eat food (RTEF) boxes ket agcom-comply iti nutritional requirements iti internally displaced persons (IDPs) nga apektado iti didigra.
Palawag daytoy ti ahensya iti baet ti panagsagana iti impact ti Typhoon Tino iti Visayas ken Mindanao, kas iti panangipreposition na iti 2.1 million family food packs iti strategically-located warehouses.
Ummuna iti daytoy, inbatad ti Department of Social Welfare and Development nga adda ti 128,000 family food packs a nakasagana a maibuning iti Region VIII (Eastern Visayas); adda met ti 89,000 food packs iti Region VI (Western Visayas); ken nasurok 81,000 food packs iti CARAGA region para kadagiti apektado.
Segun kenni Department of Social Welfare and Development spokesperson and Assistant Secretary Irene Dumlao, amin a maipapaay ket maab-abot na ti nutritional requirements dagiti internally displaced persons.
Inbatad ni Dumlao iti Disaster Response Management Group (DRMG) a dagiti food packs ket naaramid katinnulongan da ti Food and Nutrition Research Institute (FNRI), maysa nga attached agency ti Department of Science and Technology (DOST).
Daytoy ti mangipasigurado a dagiti food items ket naabot na ti energy requirements iti displaced residents ken sumursurot iti nutritional standards nga inkeddeng ti National Nutrition Council (NNC).
Kunana a ti linaon ti family food packs ket innem a kilo ti bagas, 10 assorted a tin cans, lima a sachets ti instant coffee ken lima a choco malt.
Iti kada family food packs ket makaanay iti lima a miembro ti pamilya iti uneg ti dua agingga iti tallo nga aldaw.
