LAOAG CITY – Nakasagana a mangipaay ti Department of Social Welfare and Development (DSWD) ti standard a pangibasaran iti pannakaitabon para kadagiti marigrigat basar iti babaen ti Free Funeral Services Act wenno Republic Act No. 12309.
Inbatad ni Director Edwin Morata ti Department of Social Welfare and Development Crisis Intervention Program, ikeddeng ti ahensia ti standard a balor ti burial assistance kalpasan a maaprobaran ti Implementing Rules and Regulations (IRR) ti nasao a linteg.
Inlawlawag ni Morata a gagem ti linteg a maikkan ti disente a pannakaitabon dagiti pamilia nga awan ti umdas a kuarta.
Sakupen ti libre a serbisio ti funeral parlors, chapel services, transportasion, cremation ken burial.
Para kadagiti agkalikagum nga ag-avail ti tulong, kasapulan nga agisubmitir ti valid ID, death certificate, funeral contract ken social case study report manipud kadagiti social worker iti lugarda.
Innayon pay ti opisial a mabalin a maala ti pamilia ti tulong iti mismo nga aldaw ti aplikasion no kumpleton dagiti dokumento a kasapulan.
