LAOAG CITY – Mangnayon ti baro a payout days ti Department of Social Welfare and Development (DSWD) para kadagiti motorcycle taxi ken delivery riders nga umawat ti cash relief assistance a Php 5,000.
Basar iti Department of Social Welfare and Development, posible nga adu pay a tricycle drivers ti saan pay a nakaala ti ayuda iti naikeddeng a dua nga aldaw nga special payout.
Manamnama a maisayangkat ti nayon nga schedule inton sumaruno a lawas.
Ita nga aldaw, agtultuloy ti payout iti uppat a lugar iti Caloocan Sports Complex, Makati Coliseum, Mercado del Lago ken Quezon City Memorial Circle.
It kaudian a datos, umabot iti 9,270 a benepisiario ti nakaawat ti ayuda idiay Caloocan idi kalman, 5,066 met iti Makati Coliseum idiay Makati City idinto nga adda ti 3,932 idiay Quezon City Memorial Circle ken 8,790 iti Mercado del Lago idiay Taguig City.
