LAOAG CITY – Nagpanawagan ti Department of Social Welfare and Development kadagiti lider ti pagilian a protehiran ti karbengan dagiti ubbing a Pilipino iti babaen ti panangsuporta iti judicial processes a nakadisenyo tapno mapagsungbat iti linteg dagiti perpetrators.
Basar iti ahensya, sumagmamano kadagiti public figures ket isuda ti maipagarop a makaar-aramid kadagiti horrific acts imbes nga agbalin a pagwadan wenno mangikalintegan kadagiti biktima.
Inpetteng pay ti ahensya a saan da a mabalin nga agulimek iti baet dagiti nadadagsen a kaso a maibatbato kontra ken ni Kingdom of Jesus Chirst Pastor Apollo Quiboloy.
Inpalagip ti ahensya nga adda ti mandato da a siguradwen ti seguridad dagiti indibidual a karaman iti vulnerable sector.
Karaman a tututukan ti Department of Social Welfare and Development ket dagiti alegasyon a human trafficking, sexual exploitation, ken panagabuso kadagiti menor de edad.
Iti baet dagiti kontrobersya a mangbalbalkot ken ni Quiboloy, inpasingked ti ahensya ti suporta na kadagiti maipagarop a biktima.
