LAOAG CITY – Nakaipaayen ti Department of Social Welfare and Development (DSWD) ti P70,706,465 a balor ti humanitarian assistance kadagiti naapektaran ti agtultuloy a panagalburoto ti Bulkan Kanlaon.
Iti datos ti ahensia, naipaay ti tulong iti agarup 7,556 a pamilia wenno katukad ti 23,618 nga indibidual.
Ti naso nga assistance ket manipud iti napagtipon a relief efforts ti Department of Social Welfare and Development, Local Government Units ken dagiti Non-Government Organizations.
Para met iti nasao nga ahensia, dumanonen iti P51,075,823 ti balor ti naipadanon a tulong daytoy kadagiti residente.
Iti agdama, adda pay ti agbalor ti P168,044,880.49 ti nagtalinaed nga available a relief resources ti ahensia ken agtultuloy a nakasagana iti panangitulod ti alisto a tulong kadagiti naapektaran a residente.
