LAOAG CITY – Nakasagana a mangipaay ti psychosocial support ti Department of Social Welfare and Development (DSWD) iti ubing nga estudyante a dinangran ti security guard.
Mainaig iti daytoy, dagus nga inbilin ni Department of Social Welfare and Development Secretary Rex Gatchalian iti Field Office – National Capital Region a saraken da ti pamilya ti ubing a menor de edad nga aglaklako ti sampaguita iti sango ti SM Megamall iti Mandaluyong City tapno maipaayan a dagus ti tulong ti ahensya partikular ti psychosocial support.
Inpetteng ni Gatchalian a saan da nga itolerate ti pannakadangran ti ubing.
Minandar metten ni Gatchalian ti Field Office – National Capital Region a makisarita iti management ti mall tapno iwanwan ken ipaayan ti training dagiti empleyado na no kasanu da nga itrato a naimbag dagiti ubbing.
