LAOAG CITY – Inyuswat ti Department of Social Welfare and Development (DSWD) ti panagited ti P5,000 cash assistance iti sumurok 1.82 million a Public Utility Vehicle (PUV) drivers ken delivery riders a naapektaran ti agtultuloy a panagngato ti presio ti produkto a petrolio.
Segun ken ni Department of Social Welfare and Development Secretary ken pannakangiwat ti nadakamat nga ahensia a nagrugi ti nadakamat a programa idi Marso 17 kadetoy a tawenken nagleppas idi Hunio 30 idi napalabas a bulan kadetoy a tawen babaen iti Asssistance to Individuals in Crisis Situations (AICS) program. No sadinno ket immaboten ti sumurok P9.139 billion ti naibunong a tulong pinansial iti 1,827,827 a benepisario iti sibubuo a pagilian.
Basar iti listaan nga insubmitir dagiti local government units, Transport Network Companies , pribado a delivery service providers, Land Transportation Franchising and Regulatory Board (LTFRB), ken Department of Information and Communications Technology (DICT) iti DSWD ket maipagarup 2.4 million PUV drivers ti target a mabunungan ti tulong pinansial
Kabayatanna, inlawlawag ni Dumlao a ti nagbaetan ti target ken aktual a bilang dagiti benepisario ket mabalin a dagiti nakalista ket saan a full time nga agtrabtrabaho kas PUV drivers a nagibasaran ti programa.
