Nasurok a P64.8 milion ti inpaay ti Department of Social Welfare and Development (DSWD) a tulong kadagiti pamilia a naapektaran iti El Niño phenomenon iti Western Visayas.
Segun iti ahensia nanagipaay da iti 37,367 ti family food packs (FFPs) idiay Negros Occidental, 33,054 iti Antique, 18,880 iti Iloilo, 10,707 iti Aklan, 1,809 iti Capiz, ken 1,000 iti Guimaras.
Inwaragawag ni Department of Social Welfare and Development Assistant Secretary for Disaster Response Management Group (DRMG) Irene Dumlao a paigetan ti ahensia ti operasionda kas mayannurot iti kiddaw dagiti local government units.
Kabayatanna, agarup 367,809 a pamilia wenno 1,360,623 nga indibidual ti naapektaran iti tikag a gapu iti El Niño iti Region 6 a kas basar iti nadakamat nga ahensia.
Iti agdama, addaan ti Department of Social Welfare and Development Western Visayas iti P96.7 milion a balor ti relief supplies ken standby funds.
