LAOAG CITY – Naragsakan ti Department of Social Welfare and Development iti panangaprubar ni Presidente Ferdinand Marcos Jr. iti maysa a lungalong nga iraman dagiti masikog ken dagiti breastfeeding mom iti Pantawid Pamilyang Pilipino Program (4Ps).
Kalpasan ti naiyuswat a sectoral meeting iti Malacañang ket nangipaay ti green light ti presidente iti inlungalong ti ahensya.
Daytoy ket inpresentar met ni Department of Social Welfare and Development Sec. Rex Gatchalian iti chief executive.
Iti maysa nga statement, inbatad ni Sec. Gatchalian a makatulong daytoy tapno magutigot dagiti miembro ti Pantawid Pamilyang Pilipino Program a sappuyuten dagiti health services da.
Karaman ditoyen dagiti serbisyo tapno malabanan ti malnutrisyon ken saan a panagdakkel a nasayaat dagiti ubbing.
Inlawlawag met ti sekretaryo a ti panangipaay ti gundaway kadagiti masikog ken breasthfeeding mom a mairaman iti Pantawid Pamilyang Pilipino Program ket temporaryo laeng.
