LAOAG CITY – Inrakurak ti Department of Trade and Industry (DTI) nga irugida ti imbestigasion tapno maammoan no ti immadu a panagangkat iti semento ket pakaigapuan wenno agpeggad a mangpataud iti nakaro a pannakaapektar iti domestiko nga industria.
Segun ken ni Trade Secretary Ma. Cristina Roque a maibasar daytoy iti Section 6 ti Republic Act No. 8800 wenno ti Safeguard Measures Act a mangipapaay a mabalin nga irugi ti Department of Trade and Industry Secretary ti preliminary safeguard investigation no adda ebidensia a ti immadu a panagangkat ti produkto a maikonsiderar ket agbalin a pangta iti maysa nga espesipiko lokal a sektor ti produkto.
Sakupen ti umuna nga imbestigasion ti panagangkat ti semento manipud tawen 2019 agingga 2024.
Ti imbestigasion ket tinignay dagiti sumaganad nga ebidensia a naited iti Department of Trade and Industry gapu ta dimmanon iti 51% ti imports ti semento idi Hunio 2024.
Naduktalan pay ti Trade Department a bimmaba ti paglakoan ti domestic cement industry manipud P79 billion idi 2019 agingga iti P64 billion idi 2023.
