LAOAG CITY – Agtultuloy ti panagmonitor ti Department of Trade and Industry iti presyo dagiti noche buena products iti probinsya ti Ilocos Norte.
Segun ken Ms. Amelia Galbes, Officer in-charge ti Department of Trade and Industry ditoy Ilocos Norte, saan da a nagsardeng nga agmonitor iti presyo dagiti produkto a pang-noche buena, gapu ta adda ti immunan a naiyulog a price list para iti nagduduma a produkto.
Kunana a nu adda maduktalan da nga aglabsing iti pagannurotan babaen ti panangipangato ti presio iti aniaman a noche buena products ket dumalan nga ummuna dagitoy iti naan-anay a proseso sakbay da a patawan ti pannusa.
Innayon na a kasapulan a diskutiren a nasaayat no anya ti rason nga inpangina da dagiti lako da.
Mainaig iti daytoy, siguraduen da met nga awan ti produkto a pang noche buena ti ngumato ti presyo na agingga a malpas iti holiday season.
